IPL 2025 మ్యాచ్ నం.22 లో పంజాబ్ కింగ్స్ మరియు చెన్నై సూపర్ కింగ్స్ తలపడ్డాయి. ఈ మ్యాచ్‌లో అద్భుతంగా బ్యాటింగ్ చేసిన అన్‌క్యాప్డ్ ప్లేయర్ ప్రియాంశ్ ఆర్య సూపర్ సెంచరీ సాధించాడు. కేవలం 39 బంతుల్లో సెంచరీ చేసి చెన్నై సూపర్ కింగ్స్ జట్టుపై పూర్తి ఆధిపత్యం చలాయించి “మ్యాన్ ఆఫ్ ది మ్యాచ్”గా నిలిచాడు. ముల్లాన్‌పూర్‌లో జరిగిన ఈ మ్యాచ్‌లో టాస్ గెలిచిన పంజాబ్ కింగ్స్ కెప్టెన్ శ్రేయాస్ అయ్యర్ ముందుగా బ్యాటింగ్ ఎంచుకున్నాడు.
ప్రియాంశ్ ఆర్య సూపర్ సెంచరీ
ఈ మ్యాచ్‌లో అద్భుతంగా బ్యాటింగ్ చేసిన పంజాబ్ జట్టు ఓపెనర్ ప్రియాంశ్ ఆర్య, ఒకవైపు వికెట్లు పడుతున్నా కాలుచేసిన హిట్టింగ్‌తో చెన్నైపై విరుచుకుపడ్డాడు. పవర్ ప్లే ముగిసే సమయానికి పంజాబ్ జట్టు 75/3 పరుగులు చేసింది. తన పవర్ హిట్టింగ్‌తో వేగంగా పరుగులు చేసి కేవలం 39 బంతుల్లో సెంచరీ పూర్తి చేశాడు. ఇన్నింగ్స్ చివర్లో ప్రియాంశ్ ఆర్య మరియు శశాంక్ సింగ్ కలిసి 71 పరుగుల భాగస్వామ్యం నమోదు చేశారు. అనంతరం నూర్ అహ్మద్ బౌలింగ్‌లో 103 పరుగుల వ్యక్తిగత స్కోరు వద్ద క్యాచ్ అవుట్ అయ్యాడు. ఆ తరువాత శశాంక్ 52 పరుగులు, జాన్సెన్ 34 పరుగులు చేసి పంజాబ్ జట్టు స్కోర్‌ను 219 పరుగుల దాకా చేర్చారు. చెన్నై సూపర్ కింగ్స్ బౌలింగ్‌లో ఖలీల్ అహ్మద్, అశ్విన్ చెరో రెండు వికెట్లు, ముకేశ్ చౌధరి మరియు నూర్ అహ్మద్ తలో వికెట్ తీశారు.
టార్గెట్ చేధనలో చతికిలపడిన చెన్నై
220 పరుగుల లక్ష్యంతో రెండో ఇన్నింగ్స్ ప్రారంభించిన చెన్నై సూపర్ కింగ్స్ ఓపెనర్లు پاవర్‌ప్లేలో వికెట్లు కోల్పోకుండా జాగ్రత్తగా ఆడి 59 పరుగులు సాధించారు. ఆ తర్వాత మ్యాక్స్‌వెల్ బౌలింగ్‌లో రచిన్ రవీంద్ర స్టంప్ అవ్వగా, చెన్నై కెప్టెన్ గైక్వాడ్ కేవలం 1 పరుగు చేసి ఫెర్గుసన్ బౌలింగ్‌లో క్యాచ్ అవుటయ్యాడు. శివం దూబేతో కలిసి డేవన్ కాన్వే 89 పరుగుల భాగస్వామ్యం నిర్మించారు. అనంతరం ఫెర్గుసన్ బౌలింగ్‌లో 42 పరుగుల వద్ద దూబే బౌల్డ్ అయ్యాడు. మరోవైపు ధోనీ వేగంగా పరుగులు చేస్తున్నప్పటికీ, కాన్వే హిట్టింగ్‌లో ఇబ్బంది పడి రిటైర్డ్ హర్ట్‌గా వెనుదిరిగాడు. అప్పటికే అవసరమైన రన్‌రేట్ పెరిగిపోవడంతో చెన్నై జట్టు 18 పరుగుల తేడాతో ఓటమి పాలైంది. పంజాబ్ కింగ్స్ బౌలింగ్‌లో ఫెర్గుసన్ 2 వికెట్లు తీయగా, యశ్ ఠాకూర్ మరియు మ్యాక్స్‌వెల్ చెరో వికెట్ తీశారు.
for more IPL updates visit Sports