IPL 2025 IPL 2025 మ్యాచ్ నం. 68లో కోల్‌కతా నైట్ రైడర్స్ మరియు సన్‌రైజర్స్ హైదరాబాద్ జట్లు పోటీ పడ్డాయి. ఈ సీజన్‌లో ఇరు జట్లకు ఇది చివరి లీగ్ మ్యాచ్. ఈ మ్యాచ్‌లో టాస్ గెలిచిన సన్‌రైజర్స్ జట్టు కెప్టెన్ కమిన్స్ ముందుగా బ్యాటింగ్ ఎంచుకున్నాడు. ఈ మ్యాచ్‌లో 110 పరుగుల తేడాతో కోల్‌కతా నైట్ రైడర్స్ జట్టును సన్‌రైజర్స్ దెబ్బతీసింది. బ్యాటింగ్‌లో చెలరేగిపోయిన క్లాస్సెన్ 39 బంతుల్లో 105 పరుగులు సాధించి ‘మ్యాన్ ఆఫ్ ద మ్యాచ్’ అవార్డు అందుకున్నాడు.
చివరి మ్యాచ్‌లో అలరించిన సన్‌రైజర్స్ హైదరాబాద్
సన్‌రైజర్స్ చివరి లీగ్ మ్యాచ్‌లో ప్రేక్షకులను అలరించింది. హిట్టింగ్‌తో చెలరేగిపోయిన సన్‌రైజర్స్ జట్టు బ్యాట్స్‌మెన్ స్కోర్‌బోర్డును పరుగులు పెట్టించారు. సన్‌రైజర్స్ జట్టు బ్యాట్స్‌మెన్ అందరూ వేగంగా పరుగులు సాధించి 278 పరుగుల భారీ లక్ష్యాన్ని కోల్‌కతా ముందుంచారు. 105 పరుగులు చేసిన క్లాస్సెన్ టాప్ స్కోరర్‌గా నిలవగా, అభిషేక్ శర్మ 32, హెడ్ 76, ఇషాన్ కిషన్ 29 పరుగులు చేశారు. కోల్‌కతా నైట్ రైడర్స్ బౌలింగ్‌లో నరైన్ 2 వికెట్లు, వైభవ్ అరోరా 1 వికెట్ తీశారు.
కోల్‌కతా కథ ముగిసింది
279 పరుగుల లక్ష్యంతో బరిలోకి దిగిన కోల్‌కతా నైట్ రైడర్స్ జట్టును పవర్‌ప్లే నుంచే సన్‌రైజర్స్ బౌలర్లు కట్టడి చేశారు. ఏ దశలోనూ గెలుపు దిశగా కోల్‌కతా ప్రయాణించలేదు. కోల్‌కతా బ్యాటింగ్‌లో నరైన్ 31, హర్షిత్ రాణా 34 పరుగులు చేశారు. మనీష్ పాండే 37 పరుగులు చేసి టాప్ స్కోరర్‌గా నిలిచాడు. మొత్తం 168 పరుగులకే ఆలౌట్ అయిన కోల్‌కతా 110 పరుగుల తేడాతో ఓటమి పాలైంది. సన్‌రైజర్స్ బౌలింగ్‌లో ఉనద్కట్, హర్ష్ ధూబే, ఈషాన్ మలింగ తలో 3 వికెట్లు తీశారు.
for more IPL updates visit Sports